郭少芸( 二 ) _生活百科

郭少芸约满TVB，刚巧胞姊又找她帮手打理生意，又再思前想后，被人踢一踢、郁一郁，想学多一点点，于是放下一切，想重新开始，做个普通的OL，以为起码唔使再饮清啤咁淡，但仲衰，嗰系杯威士忌，“苦到死” 。就这样隐姓埋名过了四年苦日子，趁餐厅租约期满，郭少芸决定做回艺人，反正这是人家经常提起的身份。“做唔到普通人，咁咪做番艺人，当时打个电话俾珍姐(TVB制作部副总监曾励珍)，咁就好快返TVB 。不过返到将军澳广播城后，第一个感觉系人生路不熟，边度系化妆间?边度系canteen?哗!原来仲可以用八达通，一切一切都好新鲜。可以讲，复出好开心，唯一系错做纤体代言人!”
相关事件
凡人难做
四年前，郭少芸约满TVB，刚巧胞姊又找她帮手打理生意，又再思前想后，被人踢一踢、郁一郁，想学多一点点，于是放下一切，想重新开始，做个普通的OL，以为起码唔使再饮清啤咁淡，但仲衰，嗰系杯威士忌，“苦到死” 。
“呢四年真系好痛苦!根本无人当我系普通人，令我被隔绝，令我好孤单。例如我同班同事去食饭，点知个侍应搵我签名后，我嗰同事就话：‘点解我又系食鸡髀(鸡腿)饭，你又系食鸡髀饭，仲你嘅碟大D!’从同事的眼神、语气，我感受到佢哋好怕我，怕我为佢哋惹来麻烦。”
有努力地改善关系吗?“其实又好难怪佢哋，我系佢哋啲话，我都会谂：‘佢系明星喎，佢实食惯ge，我哋食茶餐厅咋，咁cheap点会啱佢，唔好叫佢食饭啦。’、‘同佢食饭咁张扬，一阵俾狗仔队影相点算?’唉!无人同我食饭，咁咪日日捱饭盒啰。你话!一个friend都无，点会唔寂寞、唔孤单?”孤单可以顶，但当客户知道她以前是艺人，就会在言谈间质疑她的工作能力，对于这样的情况，她最难受，“佢哋会觉得我仲系艺人，艺人即系花瓶啦，花瓶即系唔识做啦!结果呢?又要再想办法。”
隐瞒身份
其后，她开了一间专门食羊的餐厅，由艺人转做老板，理应有助生意，起码有人识，可以做生招牌，但情况又是笑中有泪。
“记得有日落去做waitress，嗰客一见到我就话：‘你个样好似郭少芸，唔系!你真系郭少芸!’然后佢好惊咁周围望，原来佢以为电视台玩偷拍!自此我就意识到，我落楼面会太张扬，会搞到客人唔自在。”
03年，SARS袭港，市道萧条，人人口罩不离面，却令郭少芸大解脱，“生意?当然差啦!但我一戴上口罩，终于可以做番普通人，我唔再系艺人郭少芸，我系普通人嘅郭少芸。记得有一次，有个男客帮衬，佢一见到我就话：‘你只眼好似郭少芸，有没人话你似郭少芸?咦!你把声都好似喎。其实唔识佢ge，你唔信呀?’我根本唔识佢，佢点会识我哉，咁我咪无笃爆佢啰。”
事隔数日，那位男客人又来帮衬，然后取出一张合照，“哗!我一睇，真系我同佢嘅合照，原来佢安排过我登台，所以同我影过合照啰。不过我始终都没除口罩，所以佢一直唔知我系郭少芸。我怕我表露身份，佢会以为我玩佢!”
忘记前尘
就这样隐姓埋名过了四年苦日子，趁餐厅租约期满，郭少芸决定做回艺人，反正这是人家经常提起的身份。
“做唔到普通人，咁咪做番艺人，当时打个电话俾珍姐(TVB制作部副总监曾励珍)，咁就好快返TVB 。不过返到将军澳广播城后，第一个感觉系人生路不熟，边度系化妆间?边度系canteen?哗!原来仲可以用八达通，一切一切都好新鲜。可以讲，复出好开心，唯一系错做纤体代言人!”
年初，有杂志刊登了郭少芸的纤体露毛相，那次她很激气，气得实时解约，“我唔想再提，唔开心事，最好忘记，咁唔系最好咩!”可以忘记不快，但感到后悔吗?“经历每一件事都学到嘢，好似退出嗰四年，虽然真系好痛苦，但丰富我嘅人生，例如以前做艺人，只会谂自己一面，但做OL(广告业)时，我要做幕后工作，先知做幕后好辛苦，所以依家我会体谅人哋多一点!”